Vichitra Rakumari విచిత్ర రాకుమారి

50.00

కథల ప్రపంచం-3

ఈ పుస్తకంలో రెండు కథలు ఉన్నాయి. ఇవి ఉక్రేనియన్ జానపద కథలు. మొదటి కథ “దయ్యం పూనిన రాకుమారి”; రెండవ కథ “ఏడుగురు అన్నలు – చిట్టి చెల్లి”.

మొదటి కథ పెళ్ళీడు కొచ్చిన ఓ రాకుమారి కథ. ఆమెకి ఓ పట్టాన ఎవరూ నచ్చరు. ఆమె వింతగా ప్రవర్తిస్తుంటుంది. ఆమె ఎందుకలా ప్రవర్తిస్తోందో తెలుసుకోడానికి రాజు కొంతమందిని నియమిస్తాడు. కానీ వారంతా చనిపోతుంటారు. ఎందుకిలా జరుగుతోందో గ్రహించాలనుకున్న ఓ జిప్సీ యువకుడు సాహసం చేస్తాడు. చివరికి ఏమైందో తెలుసుకోవాలంటే ఈ కథ చదవాల్సిందే. ఈ కథలకు ఫ్లోరియన్ యుర్యేవ్ గీసిన బొమ్మలు ఎంతో ఆకర్షణీయంగా ఉన్నాయి. వర్ణ మిశ్రమం ఎంతో ఆకట్టుకుంటుంది.

రెండవ కథ ఏడుగురు అన్నలున్న ఓ చిట్టి చెల్లి కథ. అల్లరి చేస్తున కొడుకులని కాకులుగా మారిపొమ్మని తల్లి అంటే వాళ్లు నిజంగానే కాకులై ఎగిరిపోతారు. పిల్లల కోసం వగచిన ఆ తల్లికి చాలా కాలానికి ఓ కూతురు పుడుతుంది. తన అన్నల సంగతి తెలుసుకుని వాళ్ళని వెదుక్కుంటూ వెడుతుంది. అన్నలను కలుసుకుంటుంది, కానీ వారి మాట వినకుండా ప్రమాదంలో పడుతుంది. చివరకు ఏమైందనేది ఆసక్తిదాయకం. ఈ కథకు ఇవాన్ ఓస్టాఫెచుక్ గీసిన బొమ్మలు పిల్లలనే కాకుండా పెద్దలను సైతం ఆకట్టుకుంటాయి.

ఈ కథలు ప్రతి వ్యక్తిలో దాగి ఉన్న చిన్న పిల్లలను వెలికి తీస్తాయి. తల్లిదండ్రులు, పెద్దవాళ్ళు కూడా ఇవి చదివి వారి బాల్యంలోకి వెళ్ళిన అనుభూతి పొందుతారు.