Description
ఇది జగదీష్ చంద్రబోస్ సాధించిన వైజ్ఞానిక విజయాలను తెలిపే రచన. ఆంగ్లంలో పీటర్ టామ్‌కిన్స్, క్రిస్టోఫర్ బర్డ్ రచించిన “ది సీక్రెట్ లైఫ్ ఆఫ్ ప్లాంట్స్” అనే పుస్తకానికి ఇది అనువాదం. దీనిని తెలుగులో డా. శ్రీనివాస చక్రవర్తి అనువదించారు.
* * *
”నిజాయితీ లేని విమర్శ వల్ల విజ్ఞాన పురోగతి కుంటుపడుతుంది. నేను అవలంబించిన శోధనా మార్గంలో కొన్ని అసాధారణమైన సమస్యలని ఎదుర్కోవలసివచ్చింది. గత ఇరవై ఏళ్లలో పుట్టిన తప్పుడు అన్వయాల కారణంగా, అబద్ధపు వదంతుల కారణంగా ఈ సమస్యలు మరింతగా విషమించాయి. ఆ విధంగా నా బాటలో కావాలని కల్పించిన అవరోధాలని ఈ రోజు నుండి మరిచిపోయి నిశ్చింతగా ఉండొచ్చు. నా ప్రయోగాల ఫలితాలు అక్కడక్కడ కొందరు వ్యక్తులకి కోపం తెప్పించాయి అన్న విషయం ఒక పక్క కొంత బాధ కలిగించినా, ఈ రోజు ఈ దేశానికి చెందిన ప్రతిష్టాత్మక వైజ్ఞానిక సమాజం మొత్తం నాకు అందించిన ఘన స్వాగతం ఆ బాధని మరచిపోయేలా చేస్తోంది.”
